Om oss

Sjukehusinnkjøp skal levere innkjøpstenester som speglar grunnverdiane til spesialisthelsetenesta; respekt, kvalitet og tryggleik. Sjukehusinnkjøp ønsker å bygga opp under verdiane til spesialisthelsetenesta ved å legga til nokre verdiar for føretaket. Desse verdiane beskriv organisasjonen, og er viktige i arbeidet med å realisera visjonen:

• Nytenkande
• Kunnskapsrike
• Engasjerte
• Profesjonelle

Kunnskapsrike: Me skal ha anskaffingsfagleg og kategorispesifikk spisskompetanse, samtidig som me har god tverrfagleg forståing av strukturar og drift i spesialisthelsetenesta og kva som er god pasientbehandling. Me skal vera nysgjerrige og læringsvillige slik at me oppnår kontinuerleg kompetanseutvikling som vekkjer tillit hos helseføretak og leverandørar.

Nytenkande: Me skal vera framtidsretta og innovative i løysing av oppgåver og fleksibel og løysingsorientert i møte med helseføretaka. Me skal vera i forkant av utviklinga i ein stadig endrande marknad, og utfordra helseføretak og leverandørar til å finna nye løysingar og gjera teknologiske framsteg som bidreg til auka verdiskaping og betre pasientbehandling.

Engasjerte: Me skal vera ein initiativrik og motiverande samarbeidspartnar. Me er helsefagleg interesserte og lyttar til fagmiljøa slik at dei forstår at me er eit strategisk verktøy for å finna gode løysingar. Samtidig skal me på ein samarbeidsvillig måte stilla nødvendige krav og sikra varetaking av samfunnsansvar slik at det kan leverast gode innkjøpstenester.

Profesjonelle: Me skal verka einskapleg med svært god forretningsforståing innan innkjøpskategoriane. Me opptrer føreseieleg og etisk i alt me gjer, underbygde av ein sakleg og tydeleg kommunikasjon både eksternt og internt.

Oppgåva vår er å gjennomføra innkjøp på vegner av alle helseføretak i Noreg.

Dette gjer vi innanfor nesten alle område i spesialisthelsetenesta, som til dømes IT-utstyr, legemiddel, medisinsk-teknisk utstyr, medisinske og administrative forbruksvarer, og tenester som vikarar og reise​bestilling.

Vi leier innkjøpsprosjekta, i tett samarbeid med spesialistgrupper sett saman av relevant fagpersonell.

I norsk målestokk er helseføretaka store innkjøparar av utstyr, materiell, varer og tenester. Helseføretaka samla, kjøper varer, utstyr og tenester for fleire milliardar kroner i året.

​Sjukehusinnkjøp er i hovudsak ikkje dei som kjøper varer, utstyr eller tenester, men det er vi som gjennomfører anbod, og som forvaltar avtalane etter at dei er inngått.​

I selskapets vedtekter heter det at

«Sykehusinnkjøp HF skal utføre innkjøpstjenester for spesialisthelsetjenesten.

Sykehusinnkjøp HF skal kun levere tjenester til sine eiere, deres heleide virksomheter,
virksomheter underlagt eller heleid av Helse- og omsorgsdepartementet og andre offentlige virksomheter pålagt av de regionale helseforetakene. Private ideelle virksomheter med driftsavtale med de regionale helseforetakene kan motta innkjøpstjenester etter avtale med de regionale helseforetakene.

Sykehusinnkjøp HF er en del av spesialisthelsetjenesten, og de overordnede politiske mål for spesialisthelsetjenesten skal også gjelde for helseforetaket.»

Mer om vårt oppdrag kan du lese i oppdragsdokumentet lenger ned på siden. Et slikt dokument får foretaket fra eierne en gang i året.

Sjukehusinnkjøp HF signerte oktober 2023 samarbeidsavtalar med dei fire helseregionane som eiger verksemda. Avtalane definerer kva slags tenester Sjukehusinnkjøp HF skal bidra med, og korleis dei skal leverast til helseregionane.

Avtalene med Helse Sør-Øst, Helse Vest, Helse Midt-Norge og Helse Nord har same ordlyd, men og enkelte særlege tilpassingar for regionane.